Në Malishevë, disa vajza të klasës së 10-të dyshohet se kanë sulmuar brutalisht një bashkëmoshatare të tyre në një objekt të pabanuar. Pamjet e incidentit tregojnë se viktima është goditur dhe më pas është hedhur nga një lartësi mbi dy metra, ndërsa sulmueset e kanë kërcënuar dhe përdorur dhunë fizike ndaj saj. Policia ka identifikuar dy nga katër të dyshuarat dhe pritet të zhvillohen intervista për zbardhjen e plotë të ngjarjes. Rasti po trajtohet me seriozitet nga organet e rendit, ndërsa pamjet e dhunës nuk janë publikuar për shkak të ndjeshmërisë së situatës.