Mbrëmjen e 12 prillit në rrugën “Fahri Fazliu” në Prishtinë, një person është sulmuar fizikisht dhe kanosur me armë nga tre persona. Viktima, një 34-vjeçar me inicialet E.M., ka denoncuar ngjarjen në polici një ditë më pas, duke identifikuar dy prej të dyshuarve si Remzi Hajzeri dhe Granit Bajqinovci, ndërsa personin e tretë nuk e ka njohur. Policia ka arrestuar një nga të dyshuarit, Remzi Hajzeri, i cili është intervistuar në prani të avokatit dhe ka mohuar përfshirjen në sulm dhe posedimin e armës, duke thënë se ka qenë vetëm me Granit Bajqinovcin në momentin e ngjarjes. Me urdhër të prokurorit, i arrestuari është dërguar në mbajtje për 48 orë, ndërsa hetimet dhe bastisjet për zbardhjen e plotë të rastit vazhdojnë, ndërsa dy të tjerët mbeten në kërkim.