Një 47-vjeçar nga Shkupi është privuar nga liria pasi sulmoi fizikisht dy punonjës të kompanisë EVN Maqedoni gjatë kryerjes së detyrave të tyre në zonën e Shuto Orizarës. Ai fillimisht shtyu një shkallë mbi të cilën po qëndronte një punonjës dhe më pas sulmoi një tjetër me një send të fortë. Policia e Shkupit ndërhyri menjëherë pas denoncimit dhe arrestoi personin në fjalë. Pas dokumentimit të plotë të rastit, autoritetet kanë nisur kallëzim penal për veprën penale të dhunës.