Mëngjesin e sotëm, një grua u sulmua nga qentë endacak brenda oborrit të Qendrës Klinike Universitare të Kosovës (QKUK), konkretisht pranë Klinikës së Ortopedisë. Sulmi ndodhi në orën 06:00 dhe në pamjet e siguruara shihet një person që i vjen në ndihmë gruas, e cila ishte me paterica në momentin e sulmit. Ky incident vjen në një kontekst shqetësues, pasi që nga fillimi i vitit 2026 janë regjistruar 44 raste të lëndimeve nga qentë endacakë, ndërsa gjatë vitit 2025 numri i të lënduarve ka qenë 128. Sipas të dhënave nga Qendra Kryesore e Mjekësisë Familjare në Prishtinë, vetëm gjatë muajit prill janë vaksinuar 15 persona pas sulmeve nga qentë endacakë, duke treguar një mesatare prej mbi 15 sulmeve në muaj.