Një 16-vjeçar u sulmua brutalisht në rrugën “Madeleine Albright” në Pejë, ku dyshohet se u godit disa herë në kokë me kondakun e një pistolete nga një person i panjohur. Pas sulmit, i dyshuari e kërcënoi viktimën me armë, por ndërhyrja e kalimtarëve shmangu përshkallëzimin e ngjarjes. Viktima u dërgua në spital për trajtim, ku iu konstatuan dy çarje në kokë dhe u trajtua me qepje, ndërsa gjendja e tij është stabile. Policia ka nisur hetimet për lëndim të lehtë trupor dhe mbajtje të paautorizuar të armëve, por i dyshuari vazhdon të jetë në arrati.