Më 26 shkurt në rrugën “Muharrem Fejza” në Prishtinë ka ndodhur një konflikt në trafik që ka eskaluar në dhunë të rëndë, ku një 51-vjeçar dyshohet se ka goditur një person tjetër me sopatë në kokë dhe krah. Viktima 38-vjeçar ka marrë lëndime të rënda trupore dhe është dërguar për trajtim mjekësor në QKUK, ndërsa i dyshuari është arrestuar dhe dërguar në mbajtje për 48 orë. Në vendin e ngjarjes kanë punuar njësitë policore, hetuesi kujdestar dhe krim-teknika, të cilët kanë dokumentuar provat dhe kanë iniciuar rastin për veprat penale “Lëndim i rëndë trupor” dhe “Asgjësim apo dëmtim i pasurisë së huaj”. I dyshuari ka pranuar përleshjen fizike dhe ka thënë se ka përdorur edhe një çelës për goma për të dëmtuar veturën e viktimës, ndërsa hetimet për ngjarjen vazhdojnë.