Një ngjarje e rëndë ka ndodhur më 5 maj në sallonin “Casa Ferrare” në Sao Paolo, Brazil, ku një grua 27-vjeçare, Lais Gabriela Barbosa da Cunha, sulmoi me thikë kuzhine parukierin Eduardo Ferrari. Sulmi ndodhi papritmas ndërsa parukieri po punonte me flokët e një klienti tjetër, duke i shkaktuar atij një plagë në shpinë. Fillimisht, Lais ishte larguar e kënaqur me rezultatin dhe madje kishte postuar komplimente në internet, por më vonë u ankua për flokët dhe filloi të dërgonte mesazhe kërcënuese për sallonin, duke kërkuar rimbursim. Policia ndërhyri në vendngjarje, arrestoi Lais dhe sekuestruan thikën e përdorur në sulm, ndërsa dëshmitarët konfirmuan ngjarjen dhe sjelljen e saj kontradiktore.