Një ngjarje e rëndë ka ndodhur në rrugën “Adem Jashari” në Viti, ku një person është therur me thikë nga dy të dyshuar meshkuj kosovarë. Viktima, gjithashtu mashkull kosovar, është dërguar për trajtim mjekësor në Spitalin e Gjilanit. Policia ka arrestuar njërin prej të dyshuarve, i cili është dërguar në mbajtje me vendim të prokurorit, ndërsa tjetri ndodhet ende në arrati. Hetimet për zbardhjen e plotë të ngjarjes vazhdojnë, ndërsa autoritetet kërkojnë kapjen e personit të shpallur në kërkim.