Më 4 korrik në Kamenicë, një person i dyshuar që ndodhej në qendrën e paraburgimit dhe kishte gjendje të rënduar psikike, u përpoq të rezistonte gjatë transferimit të tij në Klinikën Psikiatrike në Gjilan. Gjatë nxjerrjes dhe vendosjes së prangave, i dyshuari sulmoi një zyrtar policor, i cili më pas mori ndihmë mjekësore për lëndimet e marra. Policia e Kosovës njoftoi se rasti është iniciuar në konsultim me prokurorin, duke e trajtuar si “Sulm ndaj personit zyrtar”. Ngjarja ndodhi rreth orës 15:00 në Stacionin Policor të Kamenicës, ku i dyshuari kishte marrë raport mjekësor për transferim për shkak të gjendjes së tij psikike.