Në orët e para të mëngjesit të së hënës në Mitrovicë të Veriut, një shtetas gjerman është sulmuar fizikisht nga një person i panjohur. Viktima ka pësuar lëndime trupore dhe ka marrë tretman mjekësor pas sulmit. Policia e Kosovës ka ndërmarrë hetimet dhe ka arritur të identifikojë dhe arrestojë një person të dyshuar lidhur me këtë rast. Pas intervistimit, me vendim të prokurorit, i dyshuari është dërguar në mbajtje, ndërsa hetimet vazhdojnë për zbardhjen e plotë të ngjarjes.