Më 25 mars 2026, rreth orës 00:15, në magjistralen Prishtinë-Ferizaj ka ndodhur një aksident trafiku ku një nga palët e përfshira ka sulmuar zyrtarët policorë, duke u shkaktuar atyre lëndime trupore dhe më pas është larguar nga vendi i ngjarjes. Policia ka nisur hetimet dhe ka ndërmarrë veprime për të identifikuar dhe ndaluar personin e dyshuar. Sot, zyrtarët e Njësitit të Hetimeve të Përgjithshme në Prishtinë kanë siguruar prezencën e të dyshuarit L.M. Sipas vendimit të Prokurorit të shtetit, ai është ndaluar për 48 orë për shkak të sulmit ndaj personit zyrtar.