Policia gjermane ka arrestuar një 48-vjeçar të dyshuar për një seri sulmesh ndaj sistemeve të shpërndarjes së energjisë elektrike në Gjermani, duke përfshirë tentativa sabotimi në landet Nordrhein-Westfalen, Brandenburg dhe Saksoni. Sulmet filluan në fillim të javës së kaluar me ndërprerje të linjave elektrike dhe përdorim të raketave të prodhuara vetë për të shkaktuar qark të shkurtër. Autoritetet nuk përjashtojnë lidhje me ekstremizmin klimatik dhe kanë ngritur alarmin për mundësinë e përfshirjes së fuqive të huaja, megjithëse ministri i Brendshëm beson se bëhet fjalë për një aktivist të vetëm. Policia vazhdon kontrollet në zonën e arrestimit pranë një termocentrali në Weisweiler për të zbuluar nëse ka pajisje të tjera shpërthyese.