Një 45-vjeçar, Essa Suleiman, është akuzuar për tentativë vrasjeje pas një sulmi me thikë në Golders Green, në veri të Londrës, ku u plagosën dy burra hebrenj. Ai po ashtu akuzohet për një incident të mëparshëm të së njëjtës ditë në Great Dover Street, Southwark. Policia Metropolitane trajton rastin si një sulm terrorist dhe autoritetet britanike kanë rritur nivelin e kërcënimit terrorist në “të rëndë”, duke theksuar se rreziku është në rritje. Pas paraqitjes në gjykatë të 45-vjeçarit, zyrtarët qeveritarë kanë ngritur kërcënimin kombëtar në nivelin e dytë më të lartë, duke paralajmëruar mundësinë e një sulmi terrorist brenda gjashtë muajve të ardhshëm.