Mbrëmë në lagjen Bregu i Diellit në Prishtinë, dy persona të maskuar hynë në një kafiteri dhe qëlluan me armë zjarri në drejtim të Harbim Vitijës, i njohur me nofkën “Plaku”. Ai u godit në kokë dhe pësoi plagë të rënda trupore, duke u dërguar menjëherë në Emergjencë për trajtim mjekësor. Aktualisht, “Plaku” ndodhet në Klinikën Intensive të Qendrës Klinike Universitare të Kosovës, ku vazhdon të jetë në gjendje të rëndë dhe në koma. Mjekja kujdestare Agreta Gashi konfirmoi se ai po merr trajtim intensiv, ndërsa autorët e sulmit mbeten të paidentifikuar dhe ngjarja po hetohet nga autoritetet.