Gjykata Supreme ka lënë në fuqi dënimet prej 12 vjetësh burg për Iran Badallin dhe Arben Gashin, të akuzuar për shpërthimin në Zhur që shkaktoi vdekjen e policit S.Th. Dy të akuzuarit ishin dënuar më parë nga Gjykata Themelore në Prizren dhe Apeli, ndërsa mbrojtësit e tyre kërkuan ndryshimin ose anulimin e vendimeve, por kërkesat u refuzuan. Sipas Supremes, provat tregojnë se të akuzuarit kishin blerë eksplozivin dhe e kishin vendosur në shtëpinë e Badallit, ku gjatë bastisjes shpërtheu mjeti eksplodues, duke shkaktuar viktimën dhe lëndime të rënda për persona të tjerë. Gjykata theksoi se pretendimet për shkelje procedurale nuk u argumentuan dhe se dëshmitë e administruara mbështesin aktgjykimet e mëparshme.