Pas 7 vjetësh qëndrimi në burg, Ilir Haxhiaj nga Suhareka është liruar nga akuzat për dhunën brutale që çoi në vdekjen e bashkëshortes së tij, Hatije Dina. Gjykata Supreme vendosi lirimin në mungesë provash të mjaftueshme dhe për shkak të interpretimit selektiv dhe fragmentar të provave nga gjykatat e mëparshme. Në vendimin e saj, Supremja theksoi se dy shkallët e gjykatës nuk trajtuan thelbin e çështjes dhe nuk analizuan kundërshtitë mes ekspertizave të paraqitura, duke u mbështetur vetëm në versionin e prokurorisë. Gjatë procesit gjyqësor dëshmitarët pohuan se viktima kishte përjetuar dhunë të vazhdueshme nga bashkëshorti i saj, por kjo nuk mjaftoi për të konfirmuar fajësinë përtej dyshimit të arsyeshëm.