Inspektorati Policor i Kosovës ka rekomanduar suspendimin e dy zyrtarëve të Policisë së Kosovës në dy raste të ndara që dyshohen për kryerje të veprave penale gjatë ushtrimit të detyrës. Rasti i parë ka ndodhur më 15 prill 2026 në rajonin e Gjilanit, ku një rreshter dyshohet për keqpërdorim të pozitës apo autoritetit zyrtar, ndërsa ndaj tij është iniciuar rast penal nga Prokuroria Themelore në Gjilan. Rasti i dytë është regjistruar më 16 prill 2026 në rajonin e Prishtinës, ku një toger policor është kapur duke incizuar pa autorizim hetuesit dhe procesin e intervistimit, për të cilin është hapur procedurë penale nga Prokuroria Themelore në Prishtinë. Hetimet për të dy rastet janë në vazhdim, ndërsa IPK ka rekomanduar suspendimin e të dy zyrtarëve policorë.