Në Qendrën Korrektuese për të Mitur në Lipjan është zhvilluar një projekt praktik ku të miturit kanë instaluar gypa të rrjetit të ujësjellësit dhe kanë montuar bojler për furnizim me ujë të ngrohtë në objektin e administratës së qendrës. Gjatë këtij aktiviteti, ata kanë punuar në grup nën mbikëqyrjen e instruktorit, duke respektuar rregullat e sigurisë dhe standardet teknike. Projekti ka ndihmuar në forcimin e njohurive teknike, zhvillimin e aftësive të bashkëpunimit dhe organizimit, si dhe rritjen e përgjegjësisë së tyre. Ky është një hap i rëndësishëm në formimin profesional të të miturve, duke i përgatitur për tregun e punës dhe sfidat e ardhshme.