Katër persona janë arrestuar në fshatin Carallukë të Malishevës, tre prej tyre të mitur, pasi policia gjatë një kontrolli ka gjetur një armë zjarri në veturën që dyshohet se ishte marrë pa lejen e pronarit. Në vendin e ngjarjes janë sekuestruar edhe katër gëzhoja të kalibrit 9 milimetra, të cilat shërbejnë si prova materiale. Të dyshuarit janë intervistuar në prani të punëtorëve të Qendrës për Punë Sociale dhe, pas konsultimit me prokurorin, janë liruar në procedurë të rregullt. Hetimet për rastin vazhdojnë, ndërsa ngjarja është iniciuar si posedim dhe përdorim i paautorizuar i armës.