Pasditen e së mërkurës në Patisia të Athinës, një person me origjinë shqiptare hyri në një dyqan telefonash celularë në rrugën “Patision” dhe qëlloi pronarin pakistanez një herë në këmbë, duke e plagosur. Autori u largua me një BMW gri, ku e prisnin tre bashkëpunëtorë të tjerë shqiptarë. Pas një ndjekjeje intensive nga policia, makina u gjet në rrugën “Tsounta” në Bulevardin “Kifissou”, ku u përplas me disa automjete para se të ndalej. Policia arrestoi tre persona dhe një tjetër është në kërkim lidhur me këtë incident të rëndë.