Mbrëmjen e së dielës në fshatin Bajnicë të Kaçanikut janë raportuar të shtëna me armë automatike të tipit AK-47 në një zonë malore. Policia ka reaguar menjëherë, duke gjetur në vendin e ngjarjes 49 gëzhoja dhe më pas ka lokalizuar një veturë xhip të zezë me targa vendore, e cila ishte e parkuar në një autoservis. Nga hetimet është identifikuar një person me inicialet E.S., 26 vjeç, tek i cili është sekuestruar një pushkë automatike AK-47 dhe 35 fishekë. Ai është shoqëruar dhe intervistuar në stacionin policor, ku me vendim të prokurorit është iniciuar rasti për “Përdorim të armës apo mjetit të rrezikshëm”, por më pas është liruar në procedurë të rregullt. Hetimet për ngjarjen vazhdojnë.