Mbrëmë në një lokal në Pejë ka ndodhur një incident i rëndë ku një person i dyshuar pas një mosmarrëveshjeje ka kanosur të pranishmit dhe ka sulmuar një viktimë mashkull kosovar. Gjatë ngjarjes, i dyshuari ka shtënë me armë zjarri duke dëmtuar xhamat e lokalit dhe më pas është larguar në drejtim të panjohur. Në vendin e ngjarjes është gjetur dhe konfiskuar një gëzhojë, ndërsa viktima ka marrë trajtim mjekësor për lëndimet e marra. Policia e Kosovës ka njoftuar prokurorin lidhur me rastin dhe po vazhdon hetimet për kapjen e të dyshuarit.