Mbrëmjen e 10 gushtit në fshatin Nerodime e Epërme të Ferizajt u raportuan të shtëna me armë gjatë një ahengu familjar. Policia e Kosovës reagoi menjëherë, duke identifikuar dhe ndaluar personin e dyshuar, A.N., 33 vjeç, dhe konfiskuar një pistoletë me gaz dhe dy fishekë. Prokurori i shtetit autorizoi nisjen e hetimeve për veprat penale “Mbajtja në pronësi, kontroll ose posedim të paautorizuar të armëve” dhe “Përdorimi i armës apo mjetit të rrezikshëm”. Policia Rajonale e Ferizajt bëri apel për përmbajtje nga përdorimi i armëve gjatë festave, duke paralajmëruar masa ligjore ndaj çdo personi që përdor armë në mënyrë të kundërligjshme.