Katër persona janë arrestuar në Malishevë pas një incidenti me armë zjarri gjatë një ahengu familjar më 9 gusht. Policia e Kosovës ka konfiskuar një armë automatike AK-47, një pushkë gjysmëautomatike, një revole me gaz, si dhe fishekë dhe gëzhoja të ndryshme. Të dyshuarit, të gjithë meshkuj kosovarë, janë intervistuar dhe rasti është proceduar me vendim të prokurorit në procedurë të rregullt. Ngjarja po hetohet për mbajtje dhe përdorim të paautorizuar të armëve dhe mjeteve të rrezikshme.