Më 31 maj 2026, gjatë një ahengu familjar në Shtime janë regjistruar të shtëna me armë zjarri, ngjarje që ka alarmuar autoritetet lokale. Policia ka ndërhyrë menjëherë dhe ka kontaktuar personin e dyshuar, një mashkull kosovar, i cili ka pranuar se ka shtënë me armë gjatë festës. Ai ka dorëzuar një pistoletë me gaz, e cila ishte pa fishekë në momentin e dorëzimit dhe është sekuestruar nga policia. Me vendim të prokurorit, rasti është iniciuar për veprën penale të mbajtjes së paautorizuar të armës dhe po vazhdon të hetohet në procedurë të rregullt.