Mbrëmjen e së martës në zonën e Laprakës në Tiranë u dëgjuan të shtëna me armë zjarri, ku dy persona mbetën të plagosur. Të plagosurit u dërguan menjëherë për ndihmë mjekësore dhe fatmirësisht ndodhen jashtë rrezikut për jetën. Forca të shumta policie mbërritën në vendngjarje dhe po punojnë intensivisht për zbardhjen e plotë të ngjarjes, duke mbledhur prova dhe hetuar rrethanat dhe motivet e përdorimit të armës. Deri tani, informacionet janë të pakta dhe pritet një reagim zyrtar nga policia për të sqaruar më shumë detaje rreth incidentit.