Mbrëmjen e sotme në rrugën “Xheladin Hana” në Prishtinë janë raportuar të shtëna me armë, ndërsa në vendin e ngjarjes kanë dalë njësitë e Policisë së Kosovës për të hetuar rastin. Nga incidenti dyshohet për një person të plagosur, i njohur me nofkën “Plaku”, i cili sipas burimeve ka marrë plagë të rënda dhe është në rrezik serioz për jetën. Hetimet janë në zhvillim e sipër dhe motivet e ngjarjes nuk janë bërë ende publike. Forcat policore janë prezente në masë në zonë, ndërsa pritet që gjatë orëve në vijim të dalin më shumë detaje nga organet kompetente.