Mbrëmjen e së enjtes në Prishtinë, një person është plagosur rëndë nga të shtënat me armë zjarri në një lokal në rrugën Ali Sokoli. Viktima, një mashkull kosovar, ka marrë lëndime në kokë dhe është dërguar urgjentisht në Qendrën Klinike Universitare të Kosovës për trajtim mjekësor, ku ndodhet në gjendje kritike. Policia njofton se të dyshuarit, të maskuar gjatë ngjarjes, janë larguar nga vendi i ngjarjes dhe aktualisht janë në arrati. Rasti është iniciuar si tentim vrasje dhe hetimet vazhdojnë në bashkëpunim me prokurorin për zbardhjen e plotë të ngjarjes.