Mbrëmjen e së premtes në lagjen nr. 4 të qytetit të Sarandës u regjistruan të shtëna me armë zjarri, ku një person u plagos rëndë dhe u dërgua me urgjencë në spital. Viktima, 50-vjeçari Thimjo Rubati, po i nënshtrohet një ndërhyrjeje kirurgjikale për shkak të plagëve të marra dhe ndodhet në gjendje të rëndë. Policia ka rrethuar zonën dhe ka blinduar hyrjet dhe daljet e qytetit, ndërsa po vijon hetimet për zbardhjen e plotë të ngjarjes. Dyshohet për një atentat të organizuar, por identiteti i autorëve dhe motivet mbeten ende të paqarta.