Mbrëmjen e së enjtes në Shkodër janë dëgjuar të shtëna me armë zjarri në zonën e njohur si “Ish Fabrika e Miellit”, duke shkaktuar alarm te banorët. Policia e Shtetit ka mbërritur menjëherë në vendngjarje, ka rrethuar zonën dhe ka nisur hetimet për të sqaruar rrethanat e ngjarjes. Deri tani nuk raportohet për persona të lënduar, ndërsa autoritetet po punojnë për identifikimin e autorëve dhe përcaktimin e motiveve që çuan në përdorimin e armës së zjarrit. Grupi hetimor vijon mbledhjen e provave për zbardhjen e plotë të ngjarjes.