Në Universitetin Shtetëror të Virxhinias ka ndodhur një incident me të shtëna armësh, ku pesë persona kanë mbetur të plagosur dhe janë dërguar në spitalet e zonës. Ngjarja ka ndodhur në zonën e “Annexes Quad” të kampusit, rreth 32 kilometra në jug të Richmondit, ndërsa policia ka bllokuar zonën dhe po kërkon disa të dyshuar që janë në arrati. Autoritetet kanë bërë me dije se asnjë nga të plagosurit nuk është në rrezik për jetën, por hetimet për motivin dhe rrethanat e ngjarjes vazhdojnë. Ky incident vjen në një kohë kur Shtetet e Bashkuara përballen me një numër të lartë të të shtënave masive, duke nxitur debate për kontrollin e armëve në nivel federal.