Më 12 gusht 2026, rreth orës 12:45, në rrugën ‘Brigada Adrian Krasniqi’ në Pejë, një person ka shtënë me armë zjarri gjatë një ahengu. Policia ka reaguar menjëherë, duke arrestuar të dyshuarin dhe sekuestruar një armë Retay, dy gëzhoja dhe një karikator. Pas intervistimit, me vendim të prokurorit, i arrestuari është liruar në procedurë të rregullt, ndërsa ndaj tij është iniciuar rasti për mbajtje dhe përdorim të paautorizuar të armës. Drejtoria Rajonale e Policisë në Pejë ka bërë apel për qytetarët që të shmangin përdorimin e armëve gjatë ahengjeve dhe festimeve, duke paralajmëruar masa ndaj shkelësve të ligjit.