Një incident i pazakontë ka ndodhur në qytetin e Klinës, ku telat e rrymës kanë rënë mbi një tren duke e detyruar atë të ndalet menjëherë për arsye sigurie. Fotografitë nga vendi i ngjarjes tregojnë se telat kanë përfunduar mbi pjesën e sipërme të trenit, duke bërë të pamundur vazhdimin e udhëtimit. Deri tani nuk ka informacion nëse ka persona të lënduar apo dëme materiale të tjera nga ky incident. Autoritetet po hetojnë shkaqet e rënies së telave dhe situata mbetet nën vëzhgim për të garantuar sigurinë e qarkullimit hekurudhor.