Gjatë një kontrolli në ambientet e Burgut të Durrësit janë kapur gjashtë telefona celularë, pesë prej të cilëve ishin të ndezur dhe një i fikur. Pajisjet u gjetën në zonën e palestrës, një ambient i përbashkët brenda institucionit, dhe janë dërguar për ekspertizë në laboratorin digjital të SPAK-ut për të përcaktuar përdorimin dhe informacionet që përmbajnë. Hetimet vazhdojnë për të zbuluar mënyrën e futjes së këtyre telefonave në burg dhe personat përgjegjës për përdorimin e tyre. Avokatët e Erion Veliajt kanë mohuar çdo lidhje të kryebashkiakut të Tiranës me këto pajisje, duke theksuar se asnjë prej telefonave nuk i përket atij dhe nuk është gjetur në posedimin e tij.