Prokurori i Përgjithshëm Nenad Saveski theksoi se pavarësia dhe autonomia e Prokurorisë Publike janë të garantuara me Kushtetutë dhe nuk cenohen nga komunikimi i tij me kryeministrin. Ai u shpreh se nuk sheh asgjë problematike në telefonatën e kryeministrit, edhe pse kjo ka shkaktuar reagime në opinion, duke theksuar se çdo institucion ka të drejtë për komunikim ndërinstitucional. Saveski rikujtoi se qëndrimi i tij për këtë çështje është i qartë dhe se nuk do të lejojë që deklarata apo veprime të caktuara të ndikojnë në vendimmarrjen e përditshme të prokurorëve. Ai gjithashtu apeloi për ruajtjen e profesionalizmit dhe pavarësisë së prokurorëve në punën e tyre.