Pas përfundimit të seancës plenare në Kuvendin e Shqipërisë, situata jashtë godinës është tensionuar ndjeshëm. Protestuesit janë grumbulluar dhe kanë sulmuar me vezë, shishe uji dhe sende të forta automjetet e deputetëve, përfshirë makinën ku ndodhej deputetja Ilva Gjuzi, duke bllokuar lëvizjen e tyre për disa minuta. Përplasjet me policinë janë shtuar, ku efektivët kanë ndërhyrë me kordone dhe kanë shoqëruar disa protestues, mes tyre edhe Adriatik Lapaj dhe aktivistin Shpend Gashi. Për shkak të tensioneve dhe bllokimit të rrugëve pranë Kuvendit, disa deputetë kanë qëndruar brenda godinës, ndërsa policia vazhdon përpjekjet për të rikthyer qetësinë dhe lëvizjen normale në zonë.