Mbrëmjen e së shtunës në Rrugën C në Prishtinë ka ndodhur një incident në komunikacion që përfshiu dy automjete, një Mercedes i bardhë dhe një tjetër me ngjyrë të zezë. Ngjarja nisi pas një mosmarrëveshjeje mes drejtuesve të automjeteve, e cila më pas u tensionua dhe njëri prej tyre dyshohet se tentoi të largohej nga vendi i ngjarjes. Në vendin e ngjarjes u mblodhën disa persona pranë Mercedesit të bardhë, ndërsa ndërhyri edhe Policia për të qetësuar situatën. Ende nuk ka informacione zyrtare për persona të lënduar apo të arrestuar, ndërsa priten detaje të mëtejshme nga autoritetet.