Një 20-vjeçar, Ardit Neziri, u kap në flagrancë duke tentuar të vidhte bateritë e gjeneratorëve në parkingun nëntokësor te Katedralja në Prishtinë. Ngjarja ndodhi pak pas mesnatës së 23 gushtit në Parking Center në Sheshin “Xhorxh Bush”, ku punëtori i sigurimit, Agim Islami, e pikas dhe ndaloi para se vjedhja të përfundonte. Pas ndërhyrjes së sigurimit, Policia e mori në mbajtje të riun, i cili u intervistua në praninë e avokatit mbrojtës dhe u ndalua për 48 orë me urdhër të Prokurorit. Rasti është iniciuar për veprën penale “Vjedhje e rëndë në tentativë”, ndërsa personi i dyshuar mbetet në pritje të vendimit të gjykatës.