Një tentativë për të vjedhur naftë nga një ekskavator në zonën e punimeve të hekurudhës në fshatin Shtitaricë të Vushtrrisë u ndërpre në kohë nga roja e vendpunishtes dhe Policia. Katër të rinj u kapën në flagrancë duke tentuar të nxjerrin derivate me ndihmën e bidonëve dhe një gypi plastik, por nuk arritën të realizonin vjedhjen. Pas njoftimit të rojës, njësitet policore reaguan shpejt dhe arrestuan L.Z., F.M., G.G. dhe K.R., të cilët u ndaluan për 48 orë me urdhër të Prokurorit. Rasti është cilësuar si “Vjedhje e rëndë në tentativë”, ndërsa hetimet vijojnë për zbardhjen e plotë të ngjarjes.