Një 36-vjeçar nga Manastiri është privuar nga liria nga policia lokale pas dyshimeve për kryerjen e veprës penale "grabitje në tentativë". Ngjarja ka ndodhur më 30 prill 2026 në një zyrë kreditimi në rrugën "Stolarska", ku i dyshuari ka tentuar të kryejë grabitjen duke përdorur një armë zjarri. Megjithatë, ai nuk ka arritur qëllimin dhe është larguar nga vendi i ngjarjes. Gjatë kontrollit në banesën e tij, policia ka gjetur dhe konfiskuar një pistoletë, ndërsa ai është ndaluar në orën 01:00 të datës 16 maj 2026 dhe ndaj tij është ngritur kallëzim penal në Prokurorinë Themelore Publike Manastir.