Një 23-vjeçar me inicialet K.Y. tentoi të grabiste një subjekt për transferta parash në zonën e Shkozës në Tiranë, duke përdorur një pistoletë lodër për të kërcënuar punonjësit. Falë reagimit të shpejtë të Policisë së Shtetit, autori u neutralizua dhe u arrestua në flagrancë para se të arrinte të merrte ndonjë shumë parash. Në vendngjarje u sekuestrua arma lodër që ai përdori gjatë tentativës së grabitjes. Materialet i janë kaluar Prokurorisë, ndërsa hetimet për zbardhjen e plotë të rrethanave vazhdojnë.