Një 67-vjeçar nga Kosova është arrestuar në Kantonin e Zürichut, pasi tentoi të mashtronte një grua 68-vjeçare zvicerane përmes një skeme mashtrimi telefonik. I dyshuari u prezantua si prokuror dhe pretendoi se vajza e viktimës kishte shkaktuar një aksident dhe duhej paguar një shumë e madhe parash për të shmangur burgosjen e saj. Falë reagimit të shpejtë të të moshuarës, e cila njoftoi menjëherë policinë, autoritetet arritën të arrestojnë mashtruesin para shtëpisë së viktimës gjatë tentativës për të marrë paratë. Pas marrjes në pyetje, i dyshuari u dërgua në prokurori dhe hetimet për këtë rast vazhdojnë.