Një 32-vjeçar me emrin Predrag Stanić është arrestuar në Leposaviq pasi tentoi të konvertojë një patentë shoferi të dyshuar si falso nga Serbia në patentë të Republikës së Kosovës. Gjatë procesit të verifikimit përmes sistemit ILECU, u zbulua se dokumenti nuk ishte lëshuar nga autoritetet serbe, duke ngritur dyshime për falsifikim. Policia ka nisur hetimet për veprën penale “Legalizim i përmbajtjes së rreme” dhe rasti vazhdon të jetë nën hetim. Personi i dyshuar është në procedurë hetimore dhe konsiderohet i pafajshëm derisa të provohet ndryshe me vendim gjykate.