Një 38-vjeçar, i identifikuar si Vlada Mitrovic, është arrestuar dhe ndaluar për 48 orë pasi dyshohet se tentoi t’u jepte 50 euro ryshfet policëve kufitarë në një pikëkalim në veri të vendit. Rasti u raportua nga Drejtoria për Hetimin e Krimeve Ekonomike dhe Korrupsionit në Mitrovicë të Veriut, e cila po kryen hetimet në bashkëpunim me Prokurorinë Themelore. Kartëmonedha prej 50 eurosh u sekuestrua si provë materiale, ndërsa i dyshuari u intervistua në prani të avokatit mbrojtës dhe u morën deklaratat e dëshmitarëve. Hetimet vazhdojnë për veprën penale “Dhënie ryshfeti”, ndërsa Prokurori i Shtetit ka urdhëruar ndalimin e tij për 48 orë.