Në Pikën e Kalimit Kufitar Qafë Prush, Dogana e Kosovës në bashkëpunim me Policinë kanë parandaluar një tentim-kontrabandë të mallrave. Gjatë kontrollit të një automjeti në hyrje të Kosovës, janë gjetur 504 copë Barium Sulfate të padeklaruara, të fshehura në bagazhin e automjetit. Drejtuesi i automjetit kishte deklaruar se nuk kishte mallra për t’u kontrolluar, por kontrolli i detajuar zbuloi shkeljen e rregullave doganore sipas Kodit Doganor dhe ligjit të Akcizave. Mallrat janë sekuestruar dhe ndaj personit do të ndiqen procedurat administrative dhe kundërvajtëse në përputhje me ligjin në fuqi.