Prokuroria Themelore në Mitrovicë ka kërkuar nga Gjykata Themelore caktimin e masës së paraburgimit ndaj të dyshuarit me inicialet B.R., i akuzuar për tentim vrasjeje dhe mbajtje të paautorizuar të armëve. Ngjarja ka ndodhur më 18 korrik, kur i dyshuari dyshohet se ka sulmuar me thikë personin me inicialet B.M., duke e goditur në kokë, brinjë dhe prapa kraharorit. Si pasojë, i dëmtuari ka pësuar lëndime të rënda trupore dhe ndodhet i shtrirë në Kirurgjinë Torakale në Qendrën Klinike Universitare të Kosovës. I dyshuari është arrestuar të njëjtën ditë dhe ndodhet në mbajtje me vendim të prokurorit, ndërsa çështja vazhdon në gjykatë.