Një 22-vjeçar nga Tetova është arrestuar nga policia lokale pasi tentoi të kryente një grabitje në një lokal në rrugën “Ilinden”. I riu, i cili ishte nën efektin e alkoolit me 1.35 promilë në gjak, hyri në objekt duke kërcënuar punonjësin me një pistoletë gazi. Kur viktima refuzoi të dorëzonte paratë, mes tyre ndodhi një përleshje fizike gjatë së cilës grabitësi goditi punonjësin me qytën e pistoletës në kokë. Pas ngjarjes, 22-vjeçari u largua, por u kap shpejt nga policia dhe po mbahet në stacionin policor, ku pritet të ngrihet kallëzim penal ndaj tij.