Një tërmet me magnitudë 5.6 ballë goditi në orët e hershme të mëngjesit zonën 38 kilometra në veri të qytetit të Suezit në Egjipt. Instituti Kombëtar i Kërkimeve për Astronomi dhe Gjeofizikë raportoi se nuk ka viktima apo dëme të mëdha, por dridhjet u ndjenë në një pjesë të madhe të Kajros dhe provincave përreth. Gjysmëhëna e Kuqe Egjiptiane aktivizoi një plan emergjence dhe autoritetet u bënë thirrje qytetarëve të shmangin ndërtesat e dëmtuara dhe të ndjekin informacionet zyrtare. Ministri i Shëndetësisë urdhëroi ngritjen e gatishmërisë në spitalet publike dhe krijimin e një qendre operacionale për monitorimin 24-orësh të situatës, ndërsa videot në rrjetet sociale treguan frikën dhe britmat e qytetarëve gjatë tërmetit.