Një tërmet me magnitudë 7.2 ballë goditi këtë të enjte jugun e Perusë, me epiqendrën 35 kilometra në veri të qytetit Coracora në departamentin Parinacochas. Thellësia e tërmetit u vlerësua në 108 kilometra, ndërsa agjencitë ndërkombëtare raportuan një magnitudë pak më të ulët prej 6.7 ballësh. Deri tani nuk ka njoftime për viktima apo dëme materiale, por ngjarja ka shkaktuar shqetësim në rajon, veçanërisht pasi ndodh pak ditë pas një tërmeti të fuqishëm në Kolumbi dhe pas disa tërmeteve në Venezuelë. Ekspertët lidhin aktivitetin sizmik me lëvizjen e pllakës Nazca nën pllakën e Amerikës së Jugut, një proces që shkakton tërmete të forta dhe formimin e vargmalit vullkanik të Andeve.