Një tërmet me magnitudë 5.7 ballë të shkallës Rihter goditi rajonin e Malatyas në Turqi, vendi që tre vjet më parë pësoi një tërmet shkatërrues me pasoja të rënda. Pamjet e qytetarëve tregojnë llambadarë që lëkunden dhe objekte që dridhen në dyqane, ndërsa shumë njerëz dolën në rrugë në panik, duke bërë telefonata dhe kontrolluar për dëme. Megjithëse deri tani nuk ka raportime për të lënduar apo dëme materiale, shqetësimi mbetet i lartë për shkak të historikut të zonës me tërmete të mëparshme shkatërruese. Autoritetet dhe qytetarët janë në vigjilencë për ndonjë dridhje të mëtejshme që mund të vijë pas këtij tërmeti.